Í dag er ég ógeðslega hress. Það er rosalega fín byrjun á deginum að laga kaffi handa konunni, egg handa sér og fara svo og synda í tómri sundhöll.

Tómri sundhöll? Já, maður hefur sko heilu brautirnar útaf fyrir sig um tíuleytið á virkum morgnum! Það er skemmtileg tilbreyting þegar maður er annars vanur því að sundhöllin sé uppfull af krökkum að sprella og skrækja (þvælast fyrir) og eldri borgurum að synda hægt og virðulega (þvælast fyrir) á öllum krakkalausu brautunum.

Ef ég nennti að fara oftar svona á morgnana þá myndi ég líka nota magaæfingatækið oftar og fá sixpakk. Je.